“Kuch rishte shabdon ke mohtaj nahi hote.
Wo na kisi vaade par tikte hain, na kisi shart par...
Bas do logon ke beech ek khamosh samajh hoti hai.”
Duniya ke liye Reyansh aur Krishna sirf bachpan ke do dost the.
Ek aisa rishta jo ek chhoti si dosti se shuru hua tha—bachpan ki shararaton, chhoti-chhoti ladaiyon aur ek masoom se vaade ke saath.
Reyansh hamesha Krishna ko sambhalne wala tha.
Aur Krishna... woh hamesha Reyansh ki khamoshi ko samajhne ki koshish karti thi.
Waqt badhta gaya.
Bachpan peeche chhoot gaya, sapne bade hote gaye aur zindagi ne unke saamne apne-apne raaste rakh diye.
Lekin kuch badla nahi...
Woh vaada.
Ek vaada jo bachpan mein bina uski gehraai samjhe kiya gaya tha, lekin waqt ke saath uski ahmiyat badhti gayi.
Phir ek din kuch aisa hua, jisne Reyansh ko apne hi ghar se door kar diya.
Saat samundar paar America tak pahunchne ke baad bhi uski zindagi mein kuch sawaal uska peecha nahi chhod paaye.
Kuch rishte waqt ke saath door ho jaate hain...
Aur kuch rishte door hokar bhi dil ke aur kareeb aa jaate hain.
Lekin har kahani sirf pyaar aur vaadon ki nahi hoti.
Kabhi-kabhi ek purani khamoshi ke peeche ek raaz chhupa hota hai.
Aur jab woh raaz saamne aata hai...
toh sirf ek rishta nahi, poori zindagi badal jaati hai.
This is a story of childhood, family, friendship, unspoken feelings... and a promise that was never meant to be broken.
THE SILENT PROMISE❤️🌷
Write a comment ...