AUTHOR'S NOTE ✦
Hi everyone! 🤍
This is my first story, so there might be some mistakes in the writing, grammar, or formatting. Please bear with me if you find any mistakes.
I’m still learning and improving with every chapter. 🫶🏻
I’ll try my best to make the story better as it progresses.
I hope you’ll enjoy The Silent Promise and support this little beginning of mine.
Your feedback and suggestions are always welcome. 🌷
Thank you for giving my story a chance. 🤍
— Author ✨
Author pov:-
Subah Devraj, Kabir, Meera aur Rhea balcony mein chai pi rahe the. Roy family aur Singhania family ke ghar ek-doosre ke paas the. Dono gharon ke beech ek chhoti si boundary thi, jisme ek gate tha. Dono parivaron ka ek-doosre ke ghar aana-jaana bachpan se hi laga rehta tha.
Devraj aur Kabir bachpan ke dost the. Dono ne saath padhai ki thi aur bade hone ke baad bhi unki dosti waise hi bani hui thi. Meera aur Rhea ki dosti bhi kuch alag nahi thi.
Baaton-baaton mein Kabir ne Devraj ki taraf dekha.
“Devraj, ek baat soch raha tha.”
Devraj ne chai ka cup table par rakh diya.
“Kya?”
Kabir muskuraaye.
“Humari dosti ko itne saal ho gaye. Ab humare bachhe bhi saath-saath bade ho rahe hain. Kyun na hum dono ki dosti ko ek aur rishta de dein?”
Devraj samajh nahi paaye.
“Matlab?”
Kabir ne kaha,
“Jab Reyansh aur Krishna bade ho jayenge, toh hum dono ki shaadi karwa denge.”
Devraj kuch pal Kabir ko dekhte rahe, phir hans pade.
“Tu bhi na, Kabir! Bachhe abhi kitne chhote hain.”
Meera aur Rhea bhi hansne lagi.
Kabir ne kaha,
“Chhote hain, isliye toh keh raha hoon. Bade hone tak humara ye rishta aur bhi strong ho jayega.”
Rhea ne Meera ki taraf dekha.
“Waise idea bura nahi hai.”
Meera muskura kar boli,
“Haan, lekin final decision toh bachhon ka hi hoga jab woh bade honge.”
Kabir aur Devraj ne ek-doosre ko dekha aur hans diye.
Us waqt unke liye ye bas ek pyari si baat thi. Unhe kya pata tha ki aane wale saalon mein ye baat unke bachhon ki zindagi ka ek important hissa ban jayegi.
Neeche garden mein Reyansh aur Krishna khel rahe the.
10 saal ka Reyansh ek toy lekar Krishna ke saath khel raha tha. Krishna 5 saal ki thi aur har baat par apni zidd manwane ki aadat thi.
Khelte-khelte Krishna ka pair phisal gaya aur woh neeche gir gayi. Uska toy bhi toot gaya.
Krishna ne toy ko dekha aur rone lagi.
Reyansh turant uske paas gaya.
“Arey, Kishu... rona mat.”
Usne toy uthaya aur use jodne ki koshish karne laga.
Krishna ne rote hue kaha,
“Rey... chot lagi.”
Reyansh ne uske ghutne ko dekha.
“Bas itni si? Abhi theek ho jayega.”
Phir usne pocket se chocolate nikali aur Krishna ko de di.
“Ye lo. Aur rona band.”
Krishna ne chocolate le li.
“Sach mein theek ho jayega?”
“Haan. Main hoon na.”
Krishna ne aansu pochhe aur chocolate khane lagi.
Thodi der baad dono garden mein aam ke ped ke neeche baith gaye.
Krishna ne achanak kaha,
“Rey, main badi hokar Doctor banungi.”
Reyansh ne poocha,
“Achha? Kyun?”
“Sabki bimari theek karungi.”
Reyansh hans pada.
“Toh main Businessman banunga.”
“Phir?”
“Phir tumhare liye ek bada hospital banaunga.”
Krishna khush hokar boli,
“Promise?”
“Promise.”
Tabhi Ruhaan aur Ruhi bhi garden mein aa gaye.
Ruhi seedha Reyansh ke paas chali gayi, jabki Ruhaan Krishna ke paas khada ho gaya. Kuch der sab saath khelte rahe.
Khelte-khelte Ruhaan ne Krishna ke haath se ball kheenchne ki koshish ki. Krishna ne ball nahi chhodi, toh Ruhaan ne gusse mein uske baal kheench diye.
Krishna rone lagi.
Reyansh turant Ruhaan ke paas gaya.
“Ruhaan, ye galat hai. Didi ko nahi maarte.”
Ruhi bhi boli,
“Haan bhaiya, sorry bolo.”
Ruhaan ne munh bana liya.
Reyansh ne uski taraf dekha.
“Chalo, sorry bolo.”
Ruhaan ne Krishna ki taraf dekha aur dheere se kaha,
“Sorry, Didi.”
Krishna ne aansu pochhe aur chup ho gayi.
Balcony se Devraj aur Kabir ye sab dekh rahe the.
Kabir ne kaha,
“Dekha? Abhi se Reyansh bade bhai ki tarah sabko sambhalta hai.”
Devraj muskuraaye.
“Bachhe hain Kabir. Aise hi dheere-dheere bade honge.”
Us din ki tarah unki zindagi bhi normal hi chalti rahi. Kisi ko nahi pata tha ki ye chhote-chhote pal aage chalkar unki zindagi mein kitne bade badlav laayenge.
you enjoyed reading, don’t forget to follow for the next chapter.
Written by — priti_writesss
Instagram — @priti_writesss
Story ID — The Silent Promise
Wattpad ID- @Priti_writesss
Write a comment ...